港大港永續

不論有無回收廢物習慣嘅你﹐相信近日都有可能睇到一則有關本港唯一一間紙包飲品盒回收廠「喵坊」(Mil Mill) 位於元朗工業邨嘅廠房﹐因為租約問題而面臨停運嘅新聞。點解會引發咁多社區討論？就等我哋同大家去了解下Mil Mill對本地綠色工業嘅角色同香港回收業現況啦！ 近年香港以及全球各地都響起淨零排放以及減廢嘅口號﹐而好多國家嘅永續發展政策都不約而同以促進循環經濟嘅方向去制定為環境目標之一。不過﹐循環經濟能否實現就同業務價值鏈嘅組成息息相關﹐因為上游嘅產品製造、加工、運輸過程以至消費者使用產品有時都無可避免地會產生廢物。 循環經濟提倡嘅「資源循環」概念就係鼓勵大家思考既然廢物已經產生﹐咁究竟將呢啲廢物送去堆填區之前仲有無其他出路﹐令佢地繼續成為可使用嘅資源。除左傳統業務價值鏈上嘅持份者之外﹐循環經濟更加突顯同下游夥伴協作嘅重要性。試想像如果缺乏如Mil Mill 呢一類型嘅下游回收商﹐將廢物加以利用﹐即使回收數字增加又如何促成循環經濟嘅發展呢？ 可能大家會諗﹐Mil Mill唔係本地嘅唯一回收商﹐咁仲有其他業界能夠帶動本地綠色工業？但係根據2020 年 嘅香港固體廢物監察報告嘅數據，本港紙料回收物料嘅總回收量為 442,100公噸，當中只有7,900公噸 (佔總數只有1.7%) 喺本地循環再造﹐其他都需要出口 往內地及其他國家作循環再造。呢種出口主導嘅處理模式始終會受限於其他地區的廢物進口政策，以及回收品價格波動嘅影響，長遠而言不利回收業界嘅整體發展，本港回收商亦難以推行在地嘅再造處理以減少運輸而帶來的碳排放。就此，政府應釋放土地資源、提供財務誘因和加強環保物料的科研，積極推動發展本地廢料循環再造的產業鏈，確保轉廢為材供本地市場應用。 而喺Mil Mill呢個例子入面﹐佢除咗擔當處理回收紙品嘅角色，亦都透過東南亞嘅紙廠將紙漿製造成為自家品牌嘅廁紙及抹手紙﹐減廢同時製造到全新嘅經濟效益﹐對於回收商同埋參與回收嘅企業或市民都係雙贏﹐實屬本地難得嘅例子。 儘管Mil Mill嘅規模唔係話好大，但對於本地整體紙品回收處理嘅貢獻有目共睹﹐而佢嘅存在以至營運模式中包含對公眾環保意識嘅教育，實在值得有志發展綠色工業嘅企業家借鏡。如果喺呢個時候已經要面臨停運﹐不免令人感到可惜。唔知大家又覺得香港仲有啲乜野政策可以配合令本地綠色工業發展得更好？

「酒呀！我要酒呀！」 「咪飲咁多啦！你知唔知呀，發酵同蒸餾酒精嘅過程好唔環保、好高碳排放量，仲要消耗好多水架！」 「吓！乜你無聽過而家有支vodka專門捕捉二氧化碳 (carbon dioxide) ，有助減少溫室氣體 (greenhouse gases) 架咩？」 「咩話？？！！！」 . . . 無錯！一間美國初創公司Air Company，喺2020年推出咗世界上第款直接用 #溫室氣體 之一嘅 #二氧化碳 製成伏特加，將導致 #全球暖化 加劇嘅氣體溝埋水，就變成咗一支令人鍾情又 #負碳排 (carbon negative) 嘅 Air Vodka。 Air Vodka中嘅二氧化碳原料主要來自大氣同紐約嘅工業同肥料廠，將二氧化碳連埋透過電解獲取嘅氫氣 (hydrogen) 一齊送入「碳轉化反應器」（carbon conversion reactor）系統，就會產生酒嘅主要成分乙醇 (ethanol)，最後再同水結合，就會變成令人醉醺醺嘅伏特加架啦！而傳統蒸餾酒精嘅方法係需要用到35公升嘅水，先可以製造出一公升的蒸餾物。相比之下，平均每支Air Vodka有助清除約一磅二氧化碳，耗水量亦都大大減少，口感仲比傳統vodka更似水般清澈無雜質添！ Air Company 聯合創辦人兼行政總裁 Gregory Constantine 表示佢最希望嘅係可以利用科技改善全球暖化嘅問題，將碳轉化呢種技術應用到各個領域，直接將二氧化碳轉化成有價值嘅商品。除咗可以做到 #零碳排放，即係指碳排放量接近零，仲可以達到 #負碳排，意指生產過程中所清除嘅二氧化碳量多於所排放嘅二氧化碳量。 Air Company 除咗有售賣vodka之外，亦都有推出負碳排嘅香水同消毒搓手液，相信將來仲會喺市場上推出各式各樣嘅 #碳捕捉 產品，致力解決氣候變化嘅問題。 有興趣了解多啲嘅朋友，可以click入呢條片睇下佢哋係點樣由二氧化碳製成一支支精美可口嘅伏特加https://www.youtube.com/watch?v=usnKH_B_rbo 如果大家想知道更多關於世界各地有趣嘅 #社會創新 例子，就要密切留意住我哋嘅 #社會創新個案研究系列 啦！我哋下次再見！

返工係因為愛定係責任？其實係Timing啊！好多打工仔都可能係內心出現過「我唔做啦！」呢句對白﹐不過等緊嘅可能係一個時機「大辭職」，就好似COVID嘅情況引發咗「大辭職潮」（The Great Resignation）。 「大辭職潮」係由德州農工大學Anthony Klotz 教授提出嘅一個想法，預測COVID 結束並且生活恢復「正常」後，將會有大量人才離開現時嘅工作崗位。 本地研究顯示大多數人離職嘅原因並非在於人工嘅高低，反而係來自對不良企業文化嘅不認同、公司前景黯淡、沉重工作壓力，或者係公司未有完善對策去應對疫情等等原因。但係每個人對「正常」嘅睇法又真係可以好唔同嘅，你嘅「正常」又係幾時呢? 一項美國研究對全球4,000 家公司超過 900 萬員工嘅深入分析揭示咗兩個趨勢：1）處於職業生涯中期嘅員工有最高辭職率，而其中 2）科技同醫療行業嘅辭職率為最高。 根據Qualtrics2021年年尾對香港1,009位來自各行各業嘅全職員工調查，只有59%受訪者打算喺未來1年內留任現職，相比全球平均留任率65%仲要低。留任率較去年同期大跌23%，係全球跌幅最大嘅地區之一，足足有4成受訪者計劃緊辭職！ 所以好多公司都諗緊辦法應對COVID帶來嘅連鎖反應，應該採取咩措施防止大規模辭職，並重新評估點樣留住人才。鑑於全球出現工作新常態，有僱主已經宣布員工唔再需要定期返到辦公室，提倡在家工作。同時，有問卷調查結果顯示絕大多數知識型工作者較鍾意在家工作，甚至會因為可以遠程工作嘅條件而轉工。 根據未來趨勢，比起聘請可信賴、敬業同以績效為導向嘅員工，挽留人才更為困難。所以，建立一個更靈活、具未來前膽性嘅工作文化非常重要。講到最後，兩年半嘅疫情令數以百萬計嘅打工仔可以「停一停、諗一諗」，透過生涯規劃重新思考接下來嘅生活。要過得充實，當然唔少訂定工作目標。有外國學者認為有長遠目光嘅企業先可以持續地發展，俾員工一個大展拳腳嘅機會。你又點睇？

低利潤有限責任公司(Low-profit Limited Liability Company)，簡稱L3C，係美國第1個以立法形式成立嘅社會企業。同其他社企一樣，L3C都係以達致社會效益為主要目標，但同時亦會追求利潤。而佢嘅特別之處就係以有限責任嘅公司形式成立，喺保障到股東個人財產嘅同時，亦可以利用社會企業嘅品牌作市場優勢，吸引更多人投資同支持。 成立L3C公司要首先滿足以下3個條件： 1）以實現美國國內收入法典（Internal Revenue Code，簡稱“IRC”）內規定嘅慈善或教育目標為重點，而且該目標要係公司成立嘅不可或缺原因; 2）不以創造收入或者財產增值作為公司核心目標，但亦都容許喺其他情況下有重大收入或者資本增值; 3）不以IRC中規定嘅政治目的作為公司目標。另外，IRC仲規定L3C公司必須喺公司名入面包含 “Low-profit Limited Liability Company” 嘅字，等大眾可以一眼辨認出。 同時，L3C亦會吸引到唔少基金會嘅投資，原因係美國稅務局規定咗私營基金會必須每年使用至少5%嘅資產於慈善項目或活動上，先可以享受稅收豁免待遇。而L3C嘅出現，正正就可以幫基金會滿足呢個條件。基金會喺投資社會企業嘅同時，又可以申請税務豁免，仲有機會獲得投資回報，所以L3C都吸引咗唔少基金會嘅資金架！ 到目前為止，已經介紹咗唔同嘅社企商業模式，分別係 #共益企業BCorp、#社區利益公司CIC 同埋今次講解嘅 #低利潤有限責任公司L3C。佢哋各有特色，亦有唔同嘅好處，都蘊含咗關注企業營利並強調社會公益嘅多維度企業價值觀。唔知邊款模式最吸引到你哋呢！ 想重溫內容？無問題！立即睇番之前嘅介紹！ 社區利益公司 (CIC): https://www.facebook.com/allabouthksustainability/posts/147900837874669 共益企業 (B Corp): https://www.facebook.com/allabouthksustainability/posts/145172358147517

低利潤有限責任公司(Low-profit Limited Liability Company)，簡稱L3C，係美國第個以立法形式成立嘅社會企業。同其他社企一樣，L3C都係以達致社會效益為主要目標，但同時亦會追求利潤。而佢嘅特別之處就係以有限責任嘅公司形式成立，喺保障到股東個人財產嘅同時，亦可以利用社會企業嘅品牌作市場優勢，吸引更多人投資同支持。 成立L3C公司要首先滿足以下個條件： 1）以實現美國國內收入法典（Internal Revenue Code，簡稱“IRC”）內規定嘅慈善或教育目標為重點，而且該目標要係公司成立嘅不可或缺原因; 2）不以創造收入或者財產增值作為公司核心目標，但亦都容許喺其他情況下有重大收入或者資本增值; 3）不以IRC中規定嘅政治目的作為公司目標。另外，IRC仲規定L3C公司必須喺公司名入面包含 “Low-profit Limited Liability Company” 嘅字，等大眾可以一眼辨認出。 同時，L3C亦會吸引到唔少基金會嘅投資，原因係美國稅務局規定咗私營基金會必須每年使用至少5%嘅資產於慈善項目或活動上，先可以享受稅收豁免待遇。而L3C嘅出現，正正就可以幫基金會滿足呢個條件。基金會喺投資社會企業嘅同時，又可以申請税務豁免，仲有機會獲得投資回報，所以L3C都吸引咗唔少基金會嘅資金架！ 到目前為止，已經介紹咗唔同嘅社企商業模式，分別係 #共益企業BCorp、#社區利益公司CIC 同埋今次講解嘅 #低利潤有限責任公司L3C。佢哋各有特色，亦有唔同嘅好處，都蘊含咗關注企業營利並強調社會公益嘅多維度企業價值觀。唔知邊款模式最吸引到你哋呢！ 想重溫內容？無問題！立即睇番之前嘅介紹！ 社區利益公司 (CIC): https://www.facebook.com/allabouthksustainability/posts/147900837874669 共益企業 (B Corp): https://www.facebook.com/allabouthksustainability/posts/145172358147517

上回我哋就同大家介紹咗循環經濟嘅基礎概念 (傳送門︰https://bit.ly/3RtmQyn)，轉個頭就發現另一個新例子﹐講緊嘅就係IKEA同二手拍賣平台Carousell嘅最新合作！ 今年7月， IKEA宣布喺Carousell上設立「IKEA專區」，展示IKEA九龍灣店特價品區內嘅陳列品、停產或只剩餘少量庫存嘅家品。呢個例子就包含了「Reuse」以及「Reduce」嘅元素！ 「Reuse」意思係讓一啲功能、外觀完好嘅陳列品或貨尾獲得「二次生命」，物盡其用減少浪費，讓二手或閒置商品重現價值，同時間亦可以「Reduce」減少製造新產品所消耗嘅自然資源。睇到呢度﹐可能好多人都會諗﹐呢啲陳列品或貨尾標價上要打折扣先賣得出﹐變相IKEA咪賺少咗？咁又未必喎！ 賣唔出嘅貨尾同陳列品﹐棄置都要人力資源同埋錢﹐黎緊如果香港政府推出埋都市固體廢物收費﹐呢筆數長遠對IKEA黎講都會係一個負擔﹐宜家消費者可以低價買到心頭好﹐IKEA又可以減少棄置產品嘅支出﹐所以絕對係WIN-WIN 呢個合作有機會為IKEA擴闊線上銷售渠道，間接將品牌推廣至另一客群，增加品牌曝光度同知名度，達致品牌推廣效果。加上宜家消費者對於商業機構對環境、社會嘅貢獻愈來愈著重﹐所以知道IKEA有心推動可持續發展將會係對品牌嘅「加分位」﹐有良好嘅品牌形象長遠嚟講係非常重要﹐有調查就發現63%消費者傾向支持一啲同自己理念相近嘅機構 其實隨住Carousell呢啲二手拍賣平台嘅誕生﹐消費者對於二手或有小瑕疵嘅產品抗拒度愈來愈低﹐所以都有利於商家推動循環經濟嘅經營模式，有助實現環境保護同經濟永續成長嘅雙贏目標。 諗深一層﹐有時廢棄物品只係錯配嘅資源，只要係「對的時間遇上對的人」其實就會搵得番佢嘅價值﹐所以講到尾﹐究竟有咩辦法可以整合呢啲資源交俾有需要嘅人手上將會係社會嘅一個大議題﹐唔知你又有咩諗法呢？ ==================== 身為企業管理層當然要諗多一步﹐如果想要多啲推動企業永續嘅靈感﹐就報名參加「永續價值鏈承諾」和「永續企業家（中小企）嘉許計劃」啦。由我地港大商界永續發展領袖計劃（PSLB）主辦﹐滙豐銀行慈善基金全力支持﹐鼓勵跨界別協作利用從不同持份者所得的資源及知識，應對永續挑戰！ 2022年度的計劃現正接受申請，今年度嘅主題為「循環經濟與業務抗禦力」，並聚焦於餐飲業。 報名去到2022年8月31號！ 更多有關計劃的資訊可以瀏覽﹕ https://bit.ly/3TiS4de。 如對計劃有任何查詢，你可以透過以下途徑聯絡PSLB團隊： 電郵： [email protected] 梁子謙先生（電話：3917-4763）